Костовски од Бутел потрошил, речиси, 27 000 евра за 4 дена снег

t

Костовски од Бутел потрошил, речиси, 27 000 евра за 4 дена снег, велат од политичката партија Левица.

Фирмата „Анизор Дооел Скопје” има склучено Договор за зимско одржување на локалните улици и патишта на територија на општина Бутел за зимската сезона 2022/2023 година со вредност на договорот од 4 720 000 денари (76 748 евра).

Во зимската сезона на територија на општина Бутел, мали снежни наноси имало еднаш, а снежна покривка не поголема од 3 см, не се задржала повеќе од 4 дена.

И покрај ова, согласно Годишниот извештај на Општина Бутел, посочената фирма на локалните улици во Бутел истурила неверојатни 94 тони индустриска сол како абразивно средство за што се потрошени 1 642 676 денари (26 700 евра).

Го прашуваме градоначалникот Костовски од редовите на ДПМНЕ:
Како е можно општина Бутел за 4 дена при многу благи снежни наноси да потроши повеќе од 1/3 од предвидениот буџет за одржување на локалните улици во зимски услови?

Воедно, ги потсетуваме жителите на општина Бутел дека Општината го има формирано ЈКП „Бутел”.

Општина Бутел со истата фирма има склучено Договор за зимско одржување на локалните улици и патишта во општината за сезоната 2023/2024 год., а Фирмата „Анизор Дооел Скопје” е омилена фирма и на градоначалниците на Општина Ѓорче Петров (65 041 евра), Кисела Вода (48 780 евра), Карпош (97 561 евра) и Центар (116 098 евра). 

Левица во континуитет ќе ја следи општинската администрација и ќе ги информира жителите на Бутел за сите можни злоупотреби на нивните пари.

Левица се бори против расипничкото работење на криминогените партии од триото ДПМНЕ-ДУИ-СДС, кои јавните претпријатија ги користат само за партиски услуги, а јавните услуги ги вршат приватни компании блиски до нив и го цедат буџетот на граѓаните.

ПОВРЗАНИ ВЕСТИ

Мојсоска: Македонскиот народ пати од кратка меморија,…

Македонскиот народ пати од кратка меморија. Македонскиот…

Левица со апел до земјоделците да пријават неправилности

Левица со апел до земјоделците да пријават неправилности Почитувани земјоделци, Деновиве сме сведоци на…

Мојсоска: Левица е втора партија во Кисела…

Левица веќе се наметнува како втора партија…

(Видео) Нови протести против работата на Бехтел…

Прилепчани и граѓани од цела Македонија десетина…