Курц во топ пет на листата меѓу најкорумпирани политичари во 2021 година
![t](https://infomax.mk/wp-content/uploads/2021/12/sebastijan-kurc-1.jpg)
Организацијата „Проектот за организиран криминал и корупција“ (OC CRP) го рангираше поранешниот австриски канцелар Себастијан Курц меѓу петте најкорумпирани политичари во 2021 година.
Прв на листата е белорускиот претседател Александар Лукашенко, потоа поранешниот авганистански претседател Ашраф Гани, сирискиот претседател Башар ал Асад, турскиот претседател Реџеп Таип Ердоган и потоа Курц.
Курц беше рангиран меѓу првите пет најкорумпирани политичари во светот од 1.167 „номинирани“.
Комисија составена од шест новинари и научници кои се занимаваат со корупција и известуваат за неа, и покрај рекордниот број „номинирани“ лидери, за прв пат по една деценија едногласно го избра Лукашенко.
Кога станува збор за Курц, ОЦ ЦРП направи грешка, бидејќи на веб-страницата го претстави поранешниот канцелар како лидер на десничарската Партија на слободата на Австрија, чии водечки членови „паднаа“ поради аферата „Ибица“.
Курц поднесе оставка од функцијата канцелар на 9 октомври и се повлече од политиката во декември, откако беше покрената истрага против него и неговите девет соработници за корупција и проневера.
ПОВРЗАНИ ВЕСТИ
Агелер: Има многу кандидати за на „црната…
Има мноштво имиња од кои може да…
Хаос во цел свет: Откажани се летови,…
Голем број компании, банки, медиуми и авиокомпании…
Путин: Русија ќе продолжи да ја јакне…
Русија планира да продолжи да ја развива…
Германските политичари се сѐ почесто жртви на…
По нападот врз европратеникот на СПД Матијас…
Захарова: Каде е Западот да даде безусловна…
Изјавата од канцеларијата на генералниот секретар на…