Левица поднесе предлог-закон за намалување на времетраењето на договорите за вработување на определено време

t

Политичката партија Левица поднесе предлог-закон за намалување на договорите на определено време.

Откако пратениците од делегитимираната коалиција, СДСМ и ДУИ, гласаа против предлог-законот на Левица за изменување на Законот за работни односи да се стави на дневен ред во скратена постапка, денес пратениците од Левица го поднесоа предлогот во редовна постапка.


Со ваквиот предлог, предвидуваме намалување на горната граница на договорите на определено време од пет (5) години на шест (6) месеци. Моменталното законско решение значително отстапува од намерата за обезбедување на сигурност на работниот однос, бидејќи предвидува долг период од 5 години.

Ваквата ситуација се покажа во пракса дека е подложна на манипулативно однесување од страна на сопствениците на капиталот, кои еднострано ги штитат своите интереси, за сметка на интересите на работниците, кои речиси и да не можат да обезбедат трансформација на работниот однос од определено на неопределено работно време“, се вели во соопштението испратено до медиумите.

За нужноста од итно усвојување на предложените измени, говори и поддршката од Сојузот на синдикати, кои јавно побараа сите пратеници да го поддржат предлогот на Левица. Токму ваквите договори на определено време, за време на кризата, беа најмногу користени за губење на работните места, без утврдување реални причини за отказ, поради што работникот е принуден постојано да стравува за својата егзистенција.

Единствени кои реагираа дека се загрозени од овој закон се субјектите кои се богатат врз неплатениот труд на работниците, како Стопанската Комора и Организацијата на работодавачи. Овие организации, кои постојано уживаат заштита од владејачкиот естаблишмент и кои, преку нивната економска моќ, изнудуваат законски решенија во своја корист, покажаа повторно дека бескруполозно ја експлоатираат маката на обичниот човек.

Левица, како единствена парламентарна партија, која го претставува гласот на обесправените и сиромашните, ќе продолжи да е репрезент на работникот и земјоделецот, после 30-годишен монопол на волјата на олигархијата во законодавниот дом, додаваат од партијата.

ПОВРЗАНИ ВЕСТИ

Левица поднесе претставка против Џафери за пцовките…

Политичката партија Левица, до надлежната Комисија за…

Ковачев кон Левица: Ако го цитирате Ванчо…

„Бугарскиот премиер постојано изјавува дека доколку дојде…

Левица бара суспензија за Талат Џафери

Од објавувањето на аудиоснимката на која се…

Левица поднесе кривична пријава против претседателот на…

Политичката партија Левица, до Основното јавно обвинителство…

Левица во Собранието поднесе предлог Резолуција за…

Политичката партија Левица во македонското Собрание поднесе…