Лечи фустрации: Сакаме да ја победиме Македонија и тоа со огромна разлика

Репрезентацијата на Швајцарија неочекувано ремизира на завчерашната средба против Франција (26-26), во меч во кој имаше напад и за победа, поради што се уште има теоретски шанси за пласман во следната рунда во пресрет на вечерашната пресметка со Македонија.

На Швајцарците во дуелот со нашите момци им треба победа и тоа со огромна разлика, со оглед што имаат далеку полоша гол-разлика во однос на „галските петли“. Математиката вели дека за пласман понатаму им треба односот на разликата во нивната победа над жолто-црвените и поразот на Французите против Германија (кој им е неопходен за воопшто да бидат во игра) да биде поголем од 23, што реално е тешко остварливо.

Тоа го знае и голманот Никола Портнер, кој и покрај тоа нема да се предаде се до последниот свир на судиите.

„Нема за ништо или бесцелно да го одиграме последниот натпревар. Ние сè уште имаме шанса за втората рунда и така ќе се однесуваме. Ќе дадеме максимум, ќе се обидеме да го победиме солидниот тим на Македонија и тоа со што поголема разлика. Сепак, ништо не е во наши раце, но ќе се надеваме на најдобро“, изјави Портнер.

Средбата помеѓу Македонија и Швајцарија ќе се одигра вечерва во „Мерцедес Бенц арената“ во Берлин со почеток во 18 часот, додека Германија и Франција ќе ги одмерат силите од 20.30 часот.

Share on Facebook

Tweet

Follow us

Save