Лукаревска открива каков ќе биде пристапот кон решавање на прашањето со Бугарија

Заменик претседателката на СДСМ, Сања Лукаревска, во денешното гостување во емисијата „Економски Магазин“, во врска со проблемот помеѓу Скопје и Софија рече дека највисоко на агендата на новото партиско раководство на СДСМ ќе биде наоѓање решение со Бугарија. Како што кажа таа, партијата ќе се залага за европските вредности и ќе ги почитува црвените линии донесени во Собранието.

„Она што го зацврстивме како наша позиција, го имплементиравме во Собранието, каде што заедно, сите политички партии, се сложија дека имаме одредени црвени линии коишто не смееме да ги надминуваме. Но, мора да видиме сметка дека европските вредности и заштитата на нашиот идентитет е она коешто е основа како наш став. Не ни е битно колку денови ќе поминат од еден совет на министри до друг, туку да го најдеме решението. Поставивме црвени линии, нешто за коешто се сложија сите политички партии – да го заштитиме идентитетот и да не ги запоставиме европските вредности“, рече Лукаревска

Share on Facebook

Tweet

Follow us

Save