INFOMAX.MK

Експлодираа магацини за огномет меѓу Елин Пелин и селото Гара во Бугарија. Во областа се слушаат експлозии. Магацините се во пламен.

Според првичните информации има жртви, информираат од Итната помош.

Испратено е барање за повеќе амбулантни возила. Спасувачките екипи се на терен. Меѓутоа, медицинските лица не можат да влезат во периметарот на експлозиите.

Сигналот за експлозија бил примен во 18 часот и 30 минути, изјавија за Новини.бг од прес-центарот на Министерството за внатрешни работи. На местото на несреќата се испратени противпожарни и полициски екипи. Преземени се активности за гаснење на пожарот кој настанал како последица на експлозијата. Пожарот ја зафатил и блиската нива.

На местото на несреќата отпатуваа министерот за внатрешни работи Калин Стојанов и главниот секретар на МВР Димитар Кангаљиев.

Градоначалникот на Елин Пелин, Ивајло Симеонов, за БНТ изјави дека жителите треба да бидат мирни бидејќи во магацините нема муниција. Периметарот е опколен. Луѓето треба да бидат внимателни бидејќи може да има шрапнели „Најголем ризик е пожарот, но има пожарникари во областа. Имаше првична експлозија, а потоа следеше уште. Камерите престанаа по експлозијата.

ЛИНК од видеото