Лукашенко ќе има проблеми во својата земја доколку тргне во војната вo Украина, тврди Макрон

Францускиот претседател, Емануел Макрон, синоќа во интервју за францускиот ТВ канал „Франс2“ изјави дека неговиот белоруски колега, Александар Лукашенко, ќе се соочи со проблеми во сопствената земја доколку навлезе подлабоко во војната во Украина, на страната на Русија.

-Доколку претседателот Лукашенко одлучи повеќе да се вклучи во оваа војна, тоа ќе го направи спротивно на советите на голем дел од својот народ, рече Макрон за „Франс 2“.

Со тоа, додаде тој, Лукашенко би „презел одговорност што нема да биде без проблеми“.

На 24 февруари 2022 година, руските трупи ја нападнаа Украина, меѓу другото, од територијата на Белорусија, нејзиниот долгогодишен сојузник.

Share on Facebook

Tweet

Follow us

Save