Приведени две лица кои се барале по потерница

 На 09.08.2024 година во 17,40 часот од страна на полициски службеници од Единицата за интервентна полиција при СВР Скопје, во село Студеничани,скопско, приведено е лицето М.А.(41) од Скопје. Лицето се барало со Централна потерница а по Наредба од Основен кривичен суд-Скопје од 15.03.2024 година за приведување поради сторено кривично дело по член 215 став 1 од Кривичниот законик на РСМ – „неовластено производство и пуштање во промет на наркотични дроги, психотропни супстанции и прекурсори” и истиот е осуден на казна затвор во траење од седум години и шест месеци, при што за доиздржување има уште една година, шест месеци и 20 дена.

Лицето е предадено во ПС ОН Драчево за понатамошна постапка. Денеска (10.08.2024 година) од страна на полициски службеници од Единицата за интервентна полиција при СВР Скопје од слобода е лишен Д.Д.(39) од Скопје. Лицето се барало со Централна потерница а по Наредба од Основен кривичен суд-Скопје од 26.06.2024 за Бегство од Казнено поправна установа Идризово, каде издржувал казна за сторено кривично дело по член 247 став 3 од Кривичниот законик на РСМ – “измама”, осуден на казна затвор во траење од пет години и девет месеци.

Лицето е предадено во ПС Аеродром за понатамошна постапка.

Share on Facebook

Tweet

Follow us

Save