Маричиќ денеска ќе учествува на седмиот годишен Форум на макро-регионалната стратегија на ЕУ
![t](https://infomax.mk/wp-content/uploads/2020/11/maricik.jpg)
Заменик претседателот на Владата ќе биде говорник и на Панел-дискусијата посветена на европска интеграција на Западен Балкан и Зелената агенда.
Заменик претседателот на Владата задолжен за европски прашања и Национален ИПА координатор, Бојан Маричиќ денеска ќе учествува на седмиот годишен Форум на макро-регионалната стратегија на ЕУ за јадранскиот и јонскиот регион (ЕУСАИР), што се одржува во албанскиот главен град Тирана.
Вицепремиерот Маричиќ ќе присуствува на заедничкиот состанок на министрите задолжени за европските фондовите и одговорни за ЕУ на членките на ЕУСАИР, на кој ќе ги разменат добрите практики, ќе ја споделат политичката визија и насоката на спроведувањето на проектот.
Заменик претседателот на Владата ќе биде говорник и на Панел-дискусијата посветена на европска интеграција на Западен Балкан и Зелената агенда.
Предвидено е во рамки на Форумот Маричиќ да оствари билатерална средба со италијанскиот заменик министер за надворешни работи и меѓународна соработка Бенедето Дела Ведова.
ЕУСАИР е една од четирите макро-регионални стратегии на ЕУ, која опфаќа десет држави: четири членки на Европската Унија – Хрватска, Грција, Италија, Словенија и шест земји кои не се членки на ЕУ – Северна Македонија, Албанија, Босна и Херцеговина, Црна Гора, Србија и Сан Марино.
Општата цел на ЕУСАИР е да промовира економски и социјален просперитет и раст во регионот, преку подобрување на неговата атрактивност, конкурентност и поврзаност. Стратегијата, исто така, има за цел да придонесе за понатамошна интеграција на Западен Балкан во ЕУ.
На годинешниот 7-ми Форум Албанија претседателството со ЕУСАИР ќе и го предаде на Босна и Херцеговина.
ПОВРЗАНИ ВЕСТИ
(Видео) Меџити: Иван Стоилковиќ не е важен…
Иван Стоилковиќ не е важен и не…
Многу гордо: Мицкоски договорил заедничка седница на…
Косово и Македонија ќе имаат заедничка владина…
Влада во Влада: Владините функционери од ВЛЕН…
Продолжува паралелното функционирање на членовите на Владата…
Радев го додели третиот мандат: Мала е…
Претседателот на Бугарија Румен Радев му ја…
Владата вели дека не го именувале Ибрахим…
„Постоеше предлог за именување на в.д. заменик…