Маричиќ денеска ќе учествува на седмиот годишен Форум на макро-регионалната стратегија на ЕУ
Заменик претседателот на Владата ќе биде говорник и на Панел-дискусијата посветена на европска интеграција на Западен Балкан и Зелената агенда.
Заменик претседателот на Владата задолжен за европски прашања и Национален ИПА координатор, Бојан Маричиќ денеска ќе учествува на седмиот годишен Форум на макро-регионалната стратегија на ЕУ за јадранскиот и јонскиот регион (ЕУСАИР), што се одржува во албанскиот главен град Тирана.
Вицепремиерот Маричиќ ќе присуствува на заедничкиот состанок на министрите задолжени за европските фондовите и одговорни за ЕУ на членките на ЕУСАИР, на кој ќе ги разменат добрите практики, ќе ја споделат политичката визија и насоката на спроведувањето на проектот.
Заменик претседателот на Владата ќе биде говорник и на Панел-дискусијата посветена на европска интеграција на Западен Балкан и Зелената агенда.
Предвидено е во рамки на Форумот Маричиќ да оствари билатерална средба со италијанскиот заменик министер за надворешни работи и меѓународна соработка Бенедето Дела Ведова.
ЕУСАИР е една од четирите макро-регионални стратегии на ЕУ, која опфаќа десет држави: четири членки на Европската Унија – Хрватска, Грција, Италија, Словенија и шест земји кои не се членки на ЕУ – Северна Македонија, Албанија, Босна и Херцеговина, Црна Гора, Србија и Сан Марино.
Општата цел на ЕУСАИР е да промовира економски и социјален просперитет и раст во регионот, преку подобрување на неговата атрактивност, конкурентност и поврзаност. Стратегијата, исто така, има за цел да придонесе за понатамошна интеграција на Западен Балкан во ЕУ.
На годинешниот 7-ми Форум Албанија претседателството со ЕУСАИР ќе и го предаде на Босна и Херцеговина.
ПОВРЗАНИ ВЕСТИ
(Видео) Јакимовски: Мој услов за да дадам…
Доколку Јакимовски биде шеф на државата нема…
ФИНКИ нема зграда, учиме пред Влада –…
Студентите и професорите на ФИНКИ пред Владата…
Бугарија ќе добие нова Влада: Марија Габриел…
Бугарија ќе добие нова Влада. Идната бугарска…
Автопатот Кичево-Охрид ќе ја чека новата Влада…
Новиот договор за доизградба на автопатот Кичево…
(Видео) ДПМНЕ од нашата земја: Заменик министерката…
Заменик-министерката за финансии во техничката Влада, Елена…