Објавено на:

Милановиќ за кандидатските статуси: Ако може за Украина, може и за БиХ

t

Претседателот на Хрватска, Зоран Милановиќ го коментираше предлогот на Европската комисија, Украина да добие статус на кандидат за Европската унија.

Милановиќ рече дека ако Украина добие кандидатски статус, тогаш Хрватска мора да го услови тој процес со доделување кандидатски статус на Босна и Херцеговина.

„Ако Украина може да добие статус на кандидат во состојбата во која е сега, и од која сакам да излезе што е можно поскоро, тогаш нултата точка на хрватската надворешна, национална и безбедносна политика треба да биде БиХ да добие статус на кандидат“, рече Милановиќ.

Хрватскиот претседател нагласува дека не се противи на кандидатскиот статус на Украина.

„Во однос на безбедноста и секоја друга смисла, БиХ е во подобра состојба од Украина и нема причина, ниту економска, ниту безбедносна, ниту човечка, БиХ да не го добие тој статус доколку Украина го добие“, рече Милановиќ.

Тој истакна дека БиХ треба да добие кандидатски статус истиот ден со Украина.

„Очекувам дека владата и нејзините претставници, кога станува збор за давање кандидатски статус на Украина, категорично условуваат и БиХ да го добие. Украина е кандидат? Во ред. БиХ кандидат истиот ден“, заклучи Милановиќ.

ПОВРЗАНИ ВЕСТИ

Камала Харис најави нова помош за Украина…

Потпретседателката на САД, Камала Харис денеска најави…

Украина и Молдавија ги почнуваат пристапните преговори…

Амбасадорите на земјите-членки на Европската Унија постигнаа…

Предлозите на Путин за мир во Украина…

Лидерите на Г7 не разговараа за предлозите…

Володин: Конференцијата во Швајцарија нема никаква смисла,…

Одреден број пратеници на украинската Врховна рада…

Германија ѝ испрати на Украина нова воена…

Германија денеска испрати уште еден пакет воена…