Мицкоски со честитка за Божиќ: Во овие мигови важно е да сме сплотени со чесна мисла и добри дела, само така ќе имаме мир

t

Претседателот на ВМРО-ДПМНЕ, Христијан Мицкоски упати честитка по повод празникот Рождество Христово Божиќ

До: Поглаварот на Македонската Православна Црква – Охридска Архиепископија, Архиепископ Охридски и Македонски Г.Г. Стефан

Дозволете ми од мое лично име, и од име на ВМРО-ДПМНЕ да го честитам најголемиот христијански празник Рождеството Христово – Божиќ, тоа е денот кога започнува спасението, зошто да не беше Божиќ, немаше да го имаме Велигден, а со тоа и Воскресението и Божјото спасение за луѓето.

Во мигови како овој важно е да бидеме сплотени, со чесна мисла, и со добри дела, само така ќе имаме мир и спокој во душите, но и во рамките на нашите можности ќе го менуваме општеството на подобро.

На трпезите оваа година за жал ќе имаме една горчина поради се поголемата економска криза и немаштија и тоа се работите кои човека го оставаат нерамнодушен, но и треба да се голем поттик за работите да ги менуваме, а ќе ги менуваме заедно, со верба, надеж, знаење и мотив за иднина каква ја заслужува секој еден човек.

Затоа сплотени и со верба во Бога да работиме за подобро, да создадеме услови кои ќе значат поттик и ослободување на интелектуалната сила и креација на секој еден човек, да ја ставиме на располагање секој движечка сила во функција на заедничкиот развој и промени кои ќе донесат иднина.

Нека Христос ви подари мир и спокој, да ве води низ животот и да биде вашата сила, за хармонија, развој вам и на вашите семејства.

Христос се роди!

Со почит,
проф. д-р Христијан Мицкоски
Претседател на ВМРО-ДПМНЕ

ПОВРЗАНИ ВЕСТИ

Мицкоски до Ковачевски: Достоинството или го имаш,…

Достоинство или го имаш или воопшто го…

Мицкоски: Идната недела ќе поднесеме интерпелација за…

Пратеничката група на ВМРО-ДПМНЕ идната работна недела…

Мицкоски се мајтапи со Таче: Да се…

Да можеше водење на држава да се…

ВМРО-ДПМНЕ ќе го пpeгази СДCM: Мицкоски со…

Институтот за Политички Истражувања од Скопје (ИПИС)…

Мицкоски од Охрид: Час поскоро да се…

Претседателот на ВМРО-ДПМНЕ, Христијан Мицкоски денеска присуствуваше…