Мицкоски за провокациите кон Јаневска во Тетово: Ако некој одлучил да прави циркузант од себе, дозволете му

Премиерот Христијан Мицкоски смета дека новинарот кој упати провокација до министерката за образование и наука Весна Јаневска не заслужува да биде коментиран. Прашан за негов коментар, вели дека не сака да биде дел од таа естрада и тој циркуз.

„Понекогаш тоа што нема коментар не значи дека некој нешто заборавил да коментира, туку едноставно некои луѓе и не заслужуваат да бидат коментирани. Ако некој одлучил да прави естрада и циркузант од себе, дозволете му, сите можат да го видат и да го слушнат. Подобро да премолчите отколку влезете во таа естрада“, рече Мицкоски.

Вчера, во посета на Тетово, новинар ја праша министерката Јаневска дали има со себе преведувач, додавајќи дека претходно и било кажано дека кога ќе оди во Тетово, треба да има преведувач со себе.

Share on Facebook

Tweet

Follow us

Save