Најмалку 12 лица повредени во рускиот напад врз Одеса

Најмалку 12 лица се повредени во масовен напад со ракети и беспилотни летала врз Одеса, соопшти Серхиј Лисак, началник на Воената управа на Одеса.

Лисак изјави дека во нападот е оштетена повеќекатна станбена зграда, а на повредените им е укажана неопходната медицинска помош, пренесува „Укринформ“.

На местото на настанот се упатени службите за итни интервенции, а формиран е и оперативен штаб за справување со последиците од нападот.

Според претходните извештаи, едно лице загинало, а две се повредени во рускиот напад врз Криви Рих во текот на ноќта.

Share on Facebook

Tweet

Follow us

Save