Објавено на:

Најстудено во Берово, најтопло во Дебар

t

Во Берово утрово е најстудено, со измерени минус два степени, а најтопло е во Дебар, десет степени. Како што соопшти УХМР, до 7:30 часот минус еден степен е измерен во Демир Капија и Куманово, нула степени во Попова Шапка, Струмица и Велес, еден во Скопје-Петровец, Кавадарци, Гевгелија и Крива Паланка, два во Дојран, Тетово, Штип и Скопје-Зајчев Рид, три во Битола и Лазарополе, четири во Крушево, Маврови Анови и Виница, пет во Претор, седум во Прилеп и осум степени во Охрид.

УХМР информира дека вдолж Повардарието и понекаде во котлините се формира магла. Од запад, како што наведуваат, се преместуваше променлива облачност. Утринава е променливо облачно, а магла има во Скопје, Куманово, Демир Капија, Гевгелија и Струмица. Дува слаб, а на повисоките места (Ѓуриште и Тополчани) умерен ветер претежно од западен до југозападен правец.

Времето денеска ќе биде променливо облачно, вдолж Повардарието и по одделни котлини со појава на магла. Од пладневните часови во западните и северните делови ќе има повремен локален дожд. Ќе дува слаб до умерен, а наместа во западните делови повремено засилен ветер од западен до југозападен правец. Максималната температура ќе биде во интервал од 9 до 16 степени.

Во Скопје променливо облачно и наутро магливо, претежно во пладневните часови краткотрајно со услови за дожд. Максималната температура ќе достигне 11 степени.

ПОВРЗАНИ ВЕСТИ

Кривична пријава за злоупотреба на службената положба…

Надворешната канцеларија за криминалистички работи Берово поднесе…

Нападнат маж во Берово

Денеска (05.05.2024) во 04:30 часот во Полициска…

Крмов од Берово: Левица се загага за задолжителни домашни…

На средбите со граѓаните на Берово, пратеникот…

Зимата се врати: Најстудено во Берово, измерени…

Во Берово утрово се измерени минус шест…

Бочварски: 20 милиони евра за изградба на…

Претседателот на Владата на Република Македонија, Талат…