Несреќа во Германија: Македонец тешко повреден од градежна машина тешка над 15 тони

Во тешка работна несреќа што се случила во понеделникот навечер, 31-годишен државјанин на Северна Македонија се здобил со сериозни повреди откако бил приклештен меѓу бетонски ѕид и градежна машина во индустриско претпријатие во австриската општина Едт кај Ламбах.

Инцидентот се случил околу 19 часот, кога полицијата добила пријава и веднаш се упатила на местото на настанот. При пристигнувањето, полицајците затекнале тешко повреден работник, кој со ногата бил згазнат од радладер тежок над 15 тони. Возач на машината бил негов 26-годишен сонародник, кој, според првичните информации, управувал со возилото во моментот на несреќата.

По итната интервенција на медицинските служби, повредениот бил стабилизиран и со хеликоптер на итната медицинска служба „Мартин 3“ пренесен во Ургентната болница во Линц. Надлежните органи го истражуваат случајот за да утврдат како дошло до несреќата.

Share on Facebook

Tweet

Follow us

Save