Објавено на:

Не можеше послатко: Интер е новиот шампион на Италија, со денешната победа над Милан

t

На пет кола пред крајот на сезоната во Серија А, екипата на Интер официјално е шампион на Италија, вторпат во последните три години и вкупно 20. во историјата.

Не можеше да биде послатко за „нераѕурите“ бидејќи триумфот за титула е остварен во дуелот со најголемиот ривал Милан, во дербито што вечерва се одигра на Сан Сиро. Интер славеше со 2-1 за шеста победа по ред во меѓусебните дуели и +17 во пресрет на последните пет кола од шампионатот. Со ова, Интер изби пред Милан по бројот на титулите бидејќи „росонерите“ останаа на 19, последната освоена во 2022 година.

Головите за победа на формалниот гостин на овој меч ги постигнаа Ачерби во 18. и Турам во 49. минута. Томори на десетина минути пред крајот ја врати неизвесноста откако намали на 1-2, но Милан немаше сили да се избори барем за бод и да го одложи славјето на својот голем ривал. Во финишот дојде до голема нервоза на теренот, играчите на двете екипи два пати влегоа во масовна тепачка поради што црвени картони добија Тео Ернандез и Калабрија кај Милан и Думфрис кај Интер, но тоа не се одрази на резултатот.

„Црно-сините“ од Милано беа најконстантни во текот на сезоната и заслужено се нови шампиони на Италија. По 33 кола имаат само еден пораз и тоа претрпен од Сасуоло пред крајот на септември на домашен терен. Во 2024 година се уште се несовладани и во последните пет кола ќе се обидат да ја продолжат серијата која трае веќе 28 натпревари.

ПОВРЗАНИ ВЕСТИ

Петровска: Размислувам да се кандидирам за претседател…

Се уште актуелната министерка за одбрана, Славјанка Петровска, во…

Утре продолжува судењето против поранешните водачи на…

Судењето на четворицата поранешни лидери на ОВК,…

Колумна на Коѕијас: Зошто е важен Договорот…

Договорот од Преспа храбро го отплетка она…

Цената на златото достигна ново рекордно високо…

Светската цена на златото повторно порасна на…

Бог да чува: Син им се заканувал…

Основното јавно обвинителство Велес поведе постапка против…