Одвратно: Католички свештеници злоставувале деца со посебни потреби

t

Стотици католички свештеници во Нов Зеланд се пријавени за сексуална и друга злоупотреба, а меѓу жртвите има и деца со посебни потреби, а обвинувањата, кои датираат од пред неколку децении, сведочат за распространетоста на ваквите случаи.

Помеѓу 1950 и 2021 година имало 1.680 пријави за злоупотреба извршени од членови на Католичката црква, според документите доставени до државната комисија задолжена за истрага на тие случаи, пишува Њујорк Тајмс.


Ова се податоците кои до комисијата ги доставила организацијата „Те ропу таутоко“, задолжена за координација меѓу комисијата и Католичката црква во Нов Зеланд.

„Отрезнувачките податоци го откриваат степенот на злоупотреба во Католичката црква. Истражувањето е зачудувачки, а ужасната реалност е дека зад тие бројки се кријат беспомошни и ранливи деца и возрасни“, вели Кетрин Андерсон, адвокатка која и помага на комисијата.

Обвиненијата се однесуваат на 14 отсто од целокупното свештенство во Нов Зеланд, најмногу помеѓу 1960 и 1980 година, а најголем број случаи на злоупотреба се против деца во образовни и други институции под надзор на Католичката црква.

Повеќе од половина од сите пријавени случаи вклучуваат сексуална злоупотреба или друга физичка, емоционална или психолошка злоупотреба.

Организациите за поддршка на жртвите велат дека тоа е „само врвот на ледениот брег“, бидејќи многумина не пријавиле злоупотреба.

„Немаме механизам да ја провериме точноста на тие бројки. Не можеме да потврдиме што е вклучено во нив и што е изоставено. Повеќето официјално не ја пријавиле злоупотребата. За секој пријавен случај, има шест до десет од оние кои имале слични искуства, но никогаш не поднеле жалба“, рече Кристофер Лонгхарст, национален лидер на мрежата на преживеани од црквата.

Според податоците што ги објави комисијата, во 1.296 случаи жртвите именувале лице при пријавување на злоупотреба, а 74 пријави биле поднесени само против едно лице.

Околу 14 проценти од сите документирани апликации беа поврзани со Специјалното училиште во Мериленд и Хеброн Траст, две институции во Крајстчерч за млади луѓе со посебни потреби или оние од социјални групи со висок ризик.

Кардиналот Џон Дју, претседател на Новозеландската католичка бискупска конференција, рече дека наводите за злоупотреба се „застрашувачки“ и дека црквата „длабоко се срами“ од нив.

„Искрено се надевам дека ваквите факти ќе ни помогнат да се соочиме со тажната реалност.

„Црквата ќе научи од тоа и ќе ја потврди својата посветеност да работи на заштита“, рече тој.
Двајца свештеници од Нов Зеланд, Роџер Малони и Бернард Мекграт, веќе се осудени за злоупотреба на деца во Специјалното училиште во Мериленд и фондот Хеброн.

Истрагата во Нов Зеланд е една од неколкуте слични низ светот во која се истражуваат наводите за сексуална злоупотреба во Католичката црква.

Минатата година, независна комисија во Франција процени дека повеќе од 200.000 малолетници биле сексуално злоставувани во последните седум децении и во многу случаи биле замолчени кога зборувале за нивните искуства.

Во Австралија, слична комисија во 2017 година откри епидемија на случаи на сексуална злоупотреба на деца и ја повика Католичката црква да го укине целибатот за свештениците.

Истражната комисија во Нов Зеланд е формирана во 2018 година, а со работа ќе продолжи следната недела, со јавна расправа, на која ќе зборуваат некои од жртвите. Комисијата до крајот на годинава треба да донесе формален заклучок за случаите на злоупотреба.

ПОВРЗАНИ ВЕСТИ

Уставниот суд на Италија пресече: На децата…

На италијанските деца треба да им се…

Конечно откриено: Зошто Путин никогаш не зборува…

Рускиот претседател Владимир Путин речиси никогаш не зборува за…

Фајзер сака и децата од 5 до…

Фармацевтската компанија Фајзер денеска соопшти дека сака…

Украина соопшти страшни бројки: Најмалку 148 деца…

Украинските власти соопштија дека најмалку 148 деца…

Тажно: Секое второ дете од Украина морало…

Децата во Украина се соочуваат со страшна…