Одлична вест за вработените од МВР: Исплатена бонус плата од 28.718 денари

t

Денеска, (29.03.2022) на 5.897 вработени во МВР, кои оствариле над 150 часови прекувремена работа во текот на 2021 година, ќе им биде исплатена бонус платата во поединечен нето износ од 28.718 денари (463 евра).

За оваа намена од Буџетот на МВР издвоени се 188.167.373 денари, средства коишто се обезбедени со домаќинско и планско работење. Досега, вклучувајќи ја и бонус платата за 2021 година, исплатени се пет бонус плати со вкупна вредност од 561.773.133 денари односно 9.060.857 евра.

Откако за првпат во 2019 година беше исплатена бонус плата во МВР, во претходниот мандат на министерот Оливер Спасовски, Министерството за внатрешни работи продолжи со обезбедување средства за исплата на бонус плата и за 2020 година, но и за 2017 и 2018 година и истите се исплатени на вработените во МВР, коишто овие средства веќе нема да ги бараат преку суд, со што Министерството нема да се изложува на непотребни судски трошоци по тужбите на вработените.

Ова раководство на МВР е решено континуирано да го унапредува статусот на полициските службеници и вработените во МВР, како преку драстичното и сеопфатно материјално-техничко и инфраструктурно подобрување на условите за работа, така и со спроведувањето на загарантираните права на сите вработени, секогаш имајќи го предвид фактот дека само задоволна полиција претставува ефикасен сервис на граѓаните, работи со полн капацитет и легитимитет и испорачува резултати во активностите за справување со криминалот.

ПОВРЗАНИ ВЕСТИ

Паланчанец лажно се претставувал како вработен во…

Полициски службеници од СВР Скопје – ЕВР…

Акција на МВР: Приведен струмичанец

На 28.09.2022, полициски службеници од Секторот за…

Полни раце работа за МВР: 171 казна…

Министерството за внатрешни работи во текот на…

Спасовски: Науката е мотор на практиката- 45…

Министерот за внатрешни работи денеска во Струга…

Алкохол, дрога, малолетници – МВР со полни…

Ноќеска и рано утрово во временскиот период…