Објавено на:

Пахор: Конечно решение за Косово само кога Вучиќ ќе ѝ сврти грб на Русија

t

Конечно решение за Косово може да се постигне само ако претседателот на Србија, Александар Вучиќ, ја избере Европската Унија наместо Русија, смета поранешниот претседател на Словенија, Борут Пахор, пренесува „Албаниан пост“.

„На крајот на краиштата, конечното решение ќе зависи од Вучиќ, односно дали тој ќе биде на европска или на руска страна. Ако реши да оди со Русија, нема да има добро конечно решение за косовското прашање. Ако оди на европската страна, порано или подоцна ќе се постигне добар компромис, кој ќе обезбеди дипломатска формална независност на Косово“, истакна Пахор на дебата организирана од Атлантскиот совет.

Коментирајќи ја Заедницата на општини со српско мнозинство (ЗСО), Пахор истакна дека Косово треба да го формира овој механизам бидејќи, според него, тоа ја зголемува недовербата меѓу Косово и Србија.

Пахор вели дека тој лично секогаш го поддржувал дијалогот меѓу двете страни, за кој вели дека не е совршен, но дава резултати.

„ЕУ и САД имаат исклучително важна и позитивна улога во дијалогот“, нагласи тој.

Според Пахор, на Европа во оваа фаза ѝ се заканува поделба на демократски и недемократски земји, а за Западен Балкан е важно, како што наведува тој, во која насока ќе оди Србија.

„Ако Западот може да ја натера Србија да ѝ сврти грб на Русија, тогаш ќе го имаме целиот Балкан на страната на Западот. Ако Србија ја избере Русија, тогаш за неколку години ќе се соочиме со нестабилен регион“, предупреди тој.

ПОВРЗАНИ ВЕСТИ

Косово има 1.586.659 резидентни жители, според прелиминарните…

Досега, како што информира вршителот на должноста…

Берлин: Претседателството на Унгарија со ЕУ „веќе…

Унгарското претседателство со Советот на ЕУ веќе…

Вучиќ го разоткри планот за уништување на…

Се обидуваат да ја испровоцираат Србија да…

Муцунски – Борел во Вашингтон: Нашето членство…

Министерот за надворешни работи и надворешна трговија,…

Се шири аферата „Рајнметал“ – Кремљ негира…

Медиумските извештаи дека Москва планирала атентат на…