Пожарникари кои учествувале во гасењето на пожарот во Фалише добиле медицинска помош поради вдишување отровни гасови
![t](https://infomax.mk/wp-content/uploads/2023/11/Screenshot-2023-11-23-122106.png)
Тетовските пожарникари и денеска ќе продолжат со гаснење на оган во магацините на фирмата Евроком што се наоѓа на пат кон селото Фалише. Пожарот е целосно изгаснат во продажниот објект на фирмата, но сè уште има оган и чад од неколку магацински простории. Пожарникарите таму се присутни повеќе од 24 часа и ќе останат.
Тетовските пожарникари и денеска ќе продолжат со гаснење на оган во магацините на фирмата Евроком што се наоѓа на пат кон селото Фалише. Пожарот е целосно изгаснат во продажниот објект на фирмата, но сè уште има оган и чад од неколку магацински простории.
Пожарникарите таму се присутни повеќе од 24 часа и ќе останат.
– Се гасеше цела ноќ и ќе продолжиме со работа и во текот на денот. Имаше голем оган, затоа што имаше многу запаливи материјали, бои и лакови, градежни материјали, бојлери. Интервенирано беше и со вода и со пена но не се изгаси целосно, треба да се работи уште, има оган и чад, изјави Авни Амети, командир на Територијалната противпожарна единица Тетово.
Поради вдишување на чад, медицинска помош во тетовската болница добиле четворица пожарникари.
– Интензивниот чад беше причина за проблеми со дишењето. Четворица бевме во болница на таканаречено чистење, добивме третман со кислород и инфузија, објасни Амети.
Тој информираше дека дошле припадници на Армијата кои мереле радијација и други параметри, но не откриле таков вид загадување на воздухот.
– Ги молам од Министерството за животна средина да го измерат мерат загадување на воздухот, да не поминуваат и да не доаѓаат тука новинарите и други лица без маски за заштита на лицата. Ова е втор случај да интервенираме во големи магацини со запаливи материјали, а да нема ниту еден хидрант, па затоа се поставува прашањето кој дава вакви дозволи. Едната беше фабрика за производство на пелети во Седларце. Гледаме дека немаат хидранти во објектите. Ова е чудна работа, имаат материјали од неколку милиони евра, а не се набавуваат хидранти, истакна Авни Амети, командир на Територијалната противпожарна единица Тетово.
Сопствениците на фирмата во разговор посочија дека тука немале производство на бои и лакови како што информираше Центарот за управување со кризи. Велат дека станува збор за продажен објект со магацини каде имале складирано железарија, санитарија, оков за мебел и слични производи, како и мал асортиман на бои и лакови.
ПОВРЗАНИ ВЕСТИ
Детали за пожарите низ Македонија: Гори речиси…
Регионалниот ЦУК Битола, известува дека на Плакенска…
На пожарникари кои бегале од пожарот, им…
Пожарникари, кои со денови се борат со…
Повредени тројца пожарникари при гаснење пожари
Тројца пожарникари завршиле во болница при вчерашните…
Велешанец запалил стари седишта од автомобил и…
Основното јавно обвинителство Велес поднесе Обвинителен предлог…
Активни се пожарите во Чашка, Велес, на…
РЦУК Велес, известува дека шумски пожар на…