Полицаец доби кривична пријава за неовластено изработување, држење, посредување и тргување со оружје

t

Секторот за внатрешни работи Скопје – Единица за недозволена трговија со дрога и оружје поднесе кривична пријава против полицискиот службеник З.Ц. и против правно лице – агенција за обезбедување, на која тој е сопственик и управител, поради постоење основи на сомнение за сторено кривично дело „неовластено изработување, држење, посредување и тргување со оружје и распрскувачки материи, казниво по член 396 од кривичниот законик. Исто така, Одделот за внатрешна контрола, криминалистички истраги и професионални стандарди при МВР поднесе предлог за поведување на постапка за потешко кршење на работниот ред и дисциплина по член 210 од Колективниот договор и согласно член 214 од Колективниот договор на МВР донесено е решение за отстранување на З.Ц. од работното место до  донесување на решение во дисциплинската постапка.

Имено, на 26.12.2023, со судска наредба, полициски службеници од Единицата за недозволена трговија со дрога и оружје при СВР Скопје извршиле претрес во домот на пријавениот, при што пронашле и одзеле две ловечки пушки „Црвена застава”, ловечка пушка „Бенели арми”, ловечки карабин „Бровинг”, ловечка пушка „Берета”, четири кутии со барут, четири кутии со сачми, алат за изработување ловечки патрони, 36 куршуми различен калибар и 22 ловечки патрони. Додека, при претрес во просториите кои ги користи неговото правно лице, биле пронајдени и одземени пиштол „чешка зброевка”, пушка „Крико” и пушка „Берета”.

Со ваквите дејствија, полицискиот службеник З.Ц. постапил спротивно и на член 16 од Етичкиот кодекс за однесување на работниците во МВР, според кој работниците не треба да ги вршат дејностите кои се во судир со внатрешните, односно полициските работи – работа како управител во правно лице и дејности поврзани со оружје и експлозивни материи.

ПОВРЗАНИ ВЕСТИ

Полициска акција на северот на Црна Гора:…

Во тековната полициска акција на северот на…

Зеленски со апел до Западот: Дајте им…

Украинскиот претседател Владимир Зеленски го повика Западот…

Зеленски: Мора да ја забрзаме испораката на…

Украинскиот претседател Володимир Зеленски изјави денеска дека…

Во Косово секоја година се запленуваат 1.500…

Нелегалното оружје во рацете на косовските граѓани…

Воени бродови на американската морнарица соборија ирански…

Воените бродови на американската морнарица за прв…