Акција на косовската полиција во Зубин Поток во северно Косово, запленето оружје и уапсено едно лице
Министерот за внатрешни работи на Косово, Џељаљ Свечља објави дека во акција на косовската полиција во селото Угљаре во Зубин-Потоку, северно Косово, денеска биле откриени и запленети рачни бомби и долго оружје и дека едно лице е уапсено.
Свечља на својата Фејсбук страница, покрај информација за акцијата, објави и фотографијата на лицето кое е осомничено и уапсено.
Тој ја опиша денешната акција како уште еден успех во заложбите на Владата за „искоренување на криминалот и отстранување на криминалните остатоци од Србија“ во Косово.
– Нашата заложба за искоренување на криминалот и отстранување на криминалните остатоци од Србија во нашата земја продолжува успешно. Оружје и експлозивни направи, како рачни бомби, долги цевки, муниција, радио комуникации, панцири и технолошка опрема откри денеска косовската полиција при рација на локација во селото Угљаре во Зубин Поток. Лицето кај кое е пронајдено ова оружје и опрема е уапсено, а предметот е процесуиран во Обвинителството. Нема компромиси со криминалот, поединци или групи кои ѝ штетат на безбедноста на нашата земја и нашите граѓани, напиша Свечља.
Косовскиот министер за внатрешни работи порача дека институциите ќе работат на „заштита на државните интереси, безбедноста на граѓаните, владеењето на правото и редот во секој агол од државата“
ПОВРЗАНИ ВЕСТИ
ТРИ ГОДИНИ ЗАТВОР: Полицаец осуден за пукањето…
Косовскиот полицаец Кораб Пепај е осуден на…
АХВ најави вонредна контрола во млекара по…
Агенцијата за храна и ветеринарство најави вонреден…
Трамп го номинира Михаил Богачек за нов…
Претседателот на САД, Доналд Трамп, го номинираше…
Ги убил синот и внукот – пронајдени…
Безживотните тела на 27-годишник и неговото тримесечно…
Косовските безбедносни сили добија 12 воени камиони…
Косовските безбедносни сили (КБС) добија 12 камиони…