Пол Погба поради допинг суспендиран на четири години

Фудбалерот на Јувентус, Французинот Пол Погба е суспендиран на четири години поради користење на допинг, пренесува денеска „Reuters“.

Италијанскиот антидопинг трибунал (NADO) го суспендирал фудбалерот на Јувентус на четири години на барање на обвинителот на Фудбалскиот сојуз на Италија (FIGC).

„NADO“ во септември минатата година привремено го суспендираше францускиот фудбалер, кој беше позитивен на забранетата супстанција тестостерон.

Францускиот фудбалер бил тестиран по натпреварот Јувентус – Удинезе во Серија А на 20-ти август минатата година, кој го преседел на клупата.

Тој бил позитивен на тестостерон, хормон кој ја зголемува издржливоста.

Share on Facebook

Tweet

Follow us

Save