Поради безбедносен ризик авион кој полета од Белград кон Москва е вратен назад – двајца политички лидери биле во авионот

Авионот на компанијата „Ер Србија“ (Air Serbia), кој вечерва полета од белградскиот аеродром „Никола Тесла“ кон Москва е вратен во Белград, наводно од безбедносни причини.

Според неофицијални информации на порталот Nova.rs, меѓу патниците биле претседателот на „Движењето на социјалистите“ Александар Вулин, директорот на „Србијагас“ Душан Бајатовиќ и претседателот на „Српската народна партија“ Ненад Поповиќ.

Според неофицијалните информации авионот на летот JU134 полетал од Белград во 18:48 часот, но во текот на летот, кога стигнал до областа кај еден град во јужна Литванија, добил наредба да се врати.

Според извор на тој портал, наредбата наводно ја издал директорот за корпоративна безбедност на аеродромот, а причината биле безбедносни ризици.

Новинарите се обиделе да стапат во контакт со Вулин и Бајатовиќ, но тие биле недостапни.

Засега нема официјална потврда за причината поради која авионот е вратен, ниту пак потврда за идентитетот на споменатите патници.

Share on Facebook

Tweet

Follow us

Save