Почнува одбројувањето: Русија чека одговор од Западот

Шефот на руската делегација на преговорите во Виена, Константин Гаврилов изјави дека во пресрет на одговорот на руските предлози за безбедност, одбројувањето започна.
„Доаѓа моментот на вистината, кога Западот или ќе ги прифати нашите предлози или ќе се најдат други начини Русија да ја обезбеди својата безбедност. Сигурен сум дека доколку постои добра волја, подготвеност за компромис во секоја ситуација, можно е да се најде заемно прифатливо решение. Времето истекува. Одбројувањето започна“, рече тој на седницата на Форумот за безбедносна соработка на ОБСЕ.

Според рускиот дипломат, се работи за минимизирање на воените закани, решавање на итните безбедносни прашања не само за Русија, туку и за сите земји од евроатлантскиот и евроазискиот регион.
Американскиот државен секретар Ентони Блинкен денеска на прес-конференција во Киев соопшти дека не планира да го презентира одговорот на руските безбедносни предлози на средбата со рускиот министер за надворешни работи Сергеј Лавров.

Стејт департментот најави средба меѓу Блинкен и Лавров во Женева на 21 јануари, откако американскиот државен секретар ги посети Киев и Берлин. Претставникот на Стејт департментот нагласи дека претстојната средба покажува дека дипломатијата е се уште жива кога е во прашање кризата околу Украина.

Share on Facebook

Tweet

Follow us

Save