Притвор за Мацура и вработени во Алта банка Србија
Вишиот суд во Белград им одреди притвор до 30 дена на одговорното лице во Алта банка, Давор Мацура, осомничено дека од трезорот на банката, со помош на уште двајца уапсени, изнело повеќе од 45 милијарди динари.
Притвор им е одреден и на директорот на Одделението за трезорско работење и управување со готовина во Алта банка, Г. М., како и на соработникот за трезорско работење во банката, И. П., соопшти денеска судот.
На сите тројца притворот им е одреден поради опасност да влијаат врз сведоците и да го повторат кривичното дело во краток временски период. На Д. М. притвор му е одреден и поради опасност од бегство.
Д. М. е осомничен за кривично дело злоупотреба на положбата на одговорно лице, додека другите двајца се сомничат дека му помогнале во извршувањето на истото кривично дело.
Според претходното соопштение на обвинителството, постои сомнение дека Д. М. во периодот до 31 октомври ја злоупотребил својата службена положба и ги пречекорил овластувањата. Во тоа, како што се сомнева, му помогнале Г. М. и И. П., кои биле задолжени за непосредно ракување со вредностите во трезорот на Алта банка.
Тие, според сомнежите на обвинителството, му ги предавале картичките за влез во трезорот или, со користење на сопствените картички и со своето присуство, му овозможувале неовластен пристап до трезорот „Депо“.
На тој начин Д. М., како што се сомнева, изнесувал пари од трезорот и стекнал противправна имотна корист во износ од околу 45 милијарди динари.
По налог на обвинителството, на 31 октомври и 1 ноември биле извршени претреси во просториите на Алта банка, како и во станбениот простор на осомничениот Д. М. Во просториите на банката бил извршен и попис на готовината во трезорот, се наведува во претходното соопштение на обвинителството.
ПОВРЗАНИ ВЕСТИ
19-годишен Македонец уапсен на српско-хрватската граница: ПРЕД…
Деветнаесетгодишен македонски државјанин е уапсен на српско-хрватската…
Уапсен е декан во Нови Сад –…
Деканот на Факултетот за спорт и физичко…
Србија го раскинува договорот со зетот на…
Српската влада донела одлука за раскинување на…
Обвинителството бара 30-дневен притвор за поранешен српски…
Вишото јавно обвинителство во Белград предложило судот…
Уапсени шест лица во Србија и Словенија…
Во заедничка акција на обвинителствата и полициите…