Русија задоволна од преговорите со Украина: Наскоро размена на заробеници
Шефот на руската делегација за директни преговори со Украина, Владимир Медински, објави дека преговорите во Истанбул се завршени и дека Русија е подготвена да ги продолжи контактите.
„Руската делегација е задоволна од резултатите од разговорите со украинската страна“, рече Медински. Тој најави дека Русија и Украина ќе разменат по 1.000 затвореници во наредните денови. Тој додаде дека Москва и Киев се согласиле да ги презентираат своите ставови за прекинот на огнот.
„Русија и Украина се согласија да презентираат детални предлози за прекин на огнот“, рече тој. Медински, исто така, рече дека Киев побарал средба меѓу лидерите на двете земји и дека Русија го зела ова предвид.
„Откако ќе ги размениме плановите за прекин на огнот, Русија и Украина ќе продолжат со преговорите“, рече Медински.
Најважните руски изјави по разговорите меѓу Русија и Украина во Истанбул:
– Директните преговори со украинската страна се завршени, задоволни сме од резултатот;
– Подготвени сме да продолжиме со контактите;
– Во наредните денови, Русија и Украина ќе разменуваат затвореници во формат „илјада за илјада“;
– Украинската делегација побара директен разговор меѓу претседателот на Русија и Владимир Зеленски, а Русија го зеде предвид ова;
– Русија и Украина ќе ги презентираат своите ставови за потенцијално идно примирје.
ПОВРЗАНИ ВЕСТИ
Бугарија спаси две руски банки од санкциите…
Бугарија побара од Европската Унија да ги…
Русија тврди дека погодила товарен брод со…
Руското Министерство за одбрана соопшти дека неговите…
Русија го повтори барањето НАТО да се…
Русија повторно бара НАТО да ги повлече…
Зеленски: САД презентирале опција за повлекување на…
Украинскиот претседател, Володимир Зеленски, изјави дека американските…
Трамп ќе се сретне со Путин и…
Белата куќа денеска потврди дека американскиот претседател…