Русија тестираше борбен ласер против беспилотни летала во Ленинградскиот регион

Припадници на руските единици за радиолошка, хемиска и биолошка заштита тестираа ласер за спротивставување на беспилотни летала во Ленинградскиот регион, објави денеска прес-службата на „Росгардаја“.

За време на нивните маневрирања на различни растојанија, брзини и височини, проверени се техничките карактеристики и борбените способности на ласерите за уништување беспилотни летала од различни модели, објавија руските медиуми.

„Росгвардија“ соопшти дека врз основа на резултатите од тестот ќе бидат дадени препораки за подобрување на методите и начините на примена на овој систем.

За време на руско-украинскиот конфликт, што трае од 2022 година, беспилотните летала станаа главно тактичко и стратешко оружје и целосно го променија начинот на кој се спроведуваат борбените операции.

Share on Facebook

Tweet

Follow us

Save