СДСМ: Вајц го потврди она што го предупредуваме, со Мицкоски нема реформи, нема напредок

Изјавата на известувачот за Македонија во Европскиот парламент, Томас Вајц, е јасна и алармантна потврда на она што СДСМ го предупредува со месеци, велат од опозициската партија.

„Со Мицкоски нема напредок, нема реформи, со директна оценка дека „во последната година не видовме никаков напредок“. Вајц експлицитно вели дека не гледа сериозна посветеност на Владата за реформи, особено во владеење на правото. И клучен и најголем проблем: корупција и нефункционално судство“, стои во соопштението на СДСМ.

Од партијата велат дека ризигот е губењето на европски пари кои би отишле во други земји наместо во Македонија.

„Ризикот е губење европски пари, средствата од ЕУ ќе одат во други земји наместо во Македонија. СДСМ со месеци предупредува дека власта на Мицкоски свесно ја турка државата во изолација за да може без контрола да спроведува криминални тендери. Граѓаните заслужуваат европска иднина, а не изолација, стагнација и криминал“, реагираат од СДСМ.

Share on Facebook

Tweet

Follow us

Save