Објавено на:

„Сејф сити“ и во Атина, за два дена изречени 130 казни

t

Во Атина почна да функционира новиот систем со „паметни“ камери, а во првите два дена од неговата оперативна примена биле изречени 130 административни казни.

Станува збор за пилот-проект во областа Атика, каде камерите со вештачка интелигенција се користат за автоматско евидентирање на сообраќајни прекршоци и за нивно дигитално испраќање до граѓаните.

Според информациите објавени во грчките медиуми, системот официјално почнал да работи во саботата, на 28 март 2026 година, а известувањата за казните веќе се доставуваат електронски преку државната платформа gov.gr и апликацијата Gov.gr Wallet.

Најголем дел од досега регистрираните прекршоци се однесуваат на минување на црвено светло и неносење кацига кај возачи на мотоцикли. Но системот е поставен да бележи и други прекршоци, како пречекорување на брзината, возење или запирање во лента за автобуси, неносење појас и користење мобилен телефон додека возилото е во движење.

Камерите засега се поставени на осум точки со зголемен ризик во Атика, а дополнително има и мобилни камери во десет автобуси, кои се користат за контрола на незаконско движење во лентите наменети за јавен превоз. Целта на проектот, според грчките власти, е намалување на сообраќајните несреќи и подобрување на однесувањето на возачите.

Системот користи автоматско препознавање на регистарски таблички и алгоритамска анализа со вештачка интелигенција, преку која може да се идентификуваат марката, моделот и бојата на возилото, како и видот на прекршокот.

Надлежните органи потоа имаат можност и дополнително да ги обработуваат податоците за да проверат дали возилото е осигурено, дали има важечки технички преглед, дали се платени давачките и дали ги исполнува другите законски услови за учество во сообраќајот.

ПОВРЗАНИ ВЕСТИ

Мицотакис за Македонија: „Нема суштински напредок во…

Мицотакис за Македонија испрати директна порака во…

(Видео) Ужас на аеромитинг во Грција: Се…

Тешка авионска несреќа се случи во сабота,…

(Видео) Од 2030-та од Богородица до Солун…

На патниот правец од граничниот премин Евзони…

Грција наскоро ќе произведува 15.000 воени дронови…

Грчките државни воени фабрики наскоро ќе можат…

ХОРОР: Мртво бебе е пронајдено во куфер…

Вистински хорор се случувал во Атина, откако…