Скандал во Грција: Грчки новинар прислушкуван преку софтвер изработен од македонска компанија
![t](https://infomax.mk/wp-content/uploads/2021/01/ajfon_mobilen_telefon.jpg)
По информациите дека телефонот на грчкиот новинар Танасис Кукакис бил следен и прислушуван преку специјална апликација, Обвинителството во Атина нареди прелиминарна истрага, а реагираа и новинарските здруженија во Грција, јави дописничката на МИА од Атина.
Искусниот новинар Кукакис, два и пол месеци бил следен со софтверот „Предатор”, што според наводите во медиумите во Грција е развиен од македонската компанија „Cytrox”.
Софтверот во мобилниот телефон на новинарот бил откриен од специјализиран тим на Универзитетот во Торонто (Citizen Lab), а непознати лица имале пристап до сите повици, пораки, апликации, фотографии и мејлови.
Во периодот додека бил прислушуван, односно од 12 јули до 24 септември 2021 година, истражувал теми поврзани со перење пари, незаконски банкарски трансакции и корупција во Грција.
Случајот со прислушувањето го откри грчкиот портал за истражувачко новинарство „Inside story”, минатата седмица, а се започнало кога Кукакис добил смс порака од грчки број со линк и откако кликнал на линкот, автоматски им „дал” пристап на хакерите.
Според мрежата за истражувачко новинарство „ Reporters United”, кои објавија дека поседуваат и документи, новинарот Кукакис бил прислушуван „поради национална безбедност” и од грчката Национална разузнавачка служба, една година пред неговиот телефон да биде хакиран.
Кукакис упатил жалба до грчката Управата за доверливост на комуникациите, но во март 2021 година бил сменет законот што претходно овозможувал на оние кои се следени, дури и од причини за национална безбедност, да бидат информирани.
За целиот случај, реагираа новинарските здруженија, односно грчкото здружение и здружението на странски дописници во Грција кои бараат расчистување на случајот, но и истакнуваат дека се категорично против било какво следење и прислушување на новинарите.
ПОВРЗАНИ ВЕСТИ
Зголемување на буџетскиот дефицит на САД за…
Американската влада во јули забележа буџетски дефицит…
Уапсен пироман во прилепско, запалил сува трева
Вчера полициски службеници од ОВР Прилеп уапсиле…
(Видео) Пожарот во Горно Строгомиште надвор од…
Пожарот кој три дена беснее меѓу селата…
Харадинај: Секој што ќе ги загрози американските…
Лидерот на Алијансата за иднината на Косово,…
Делови од Скопје вечерва се без струја
Поради испад на трафостаницата „Запад”, жители на…