Објавено на:

Софија навредена: Македонски политичари, партии, научници ја изедначуваат Бугарија со фашизмот – изненадени сме од македонските власти

t

Повторно сведоци сме на говор на омраза во Македонија против Бугарија, кој е поттикнат од парламентарните политички партии, медиумите и претставниците на академската заедница, се наведува во ставот на бугарското Министерство за надворешни работи, по реакциите во земјава за контроверзното отворање на клубот „Ванчо Михајлов“ во Битола, на кое присуствуваа високи политичари од Бугарија.

Бугарското МНР соопшти дека е изненадено од, како што вели: „силниот став на претставниците на властите во Република Северна Македонија и антибугарската кампања спроведена во медиумите во нашата соседна земја“.


„Особено загрижува фактот што се прават обиди Бугарија и бугарскиот народ неоправдано да се изедначат со фашизмот. Ширењето на тенденциозни погрешни толкувања на историјата е токму една од причините поради која имаме Договор за соседство и формираме Мешовит комитет за историски прашања. Очигледно е дека треба да направи вистински напредок за чувствителните теми од нашата заедничка историја“, потенцираат од тамошното МНР.

Оттаму потсетуваат дека културниот центар „Иван Михаилов“ е регистриран според барањата на локалната македонска законска регулатива од 2019 година.

Од бугарската дипломатија нагласуваат дека официјална Софија ќе продолжи да ги прави сите неопходни напори, во согласност со меѓународното право, за поддршка и заштита на Бугарите во Македонија.

„Од одговорните фактори во нашата соседна земја очекуваме конструктивен придонес во тековниот процес за враќање на довербата и градење поволна средина за Бугарите во Северна Македонија, како и за секој кој сака да развие пријателски односи со Бугарија“, се вели во соопштението.

„Во последните месеци бугарската држава направи значителни напори за промовирање на позитивна клима во билатералните односи, вкл. преку иницирање формати за засилен развој на секторската соработка. Во отворен дух, Бугарија ќе продолжи отворено да работи на градење вистински добрососедски односи, но и да се потпира на своите партнери во Северна Македонија“, додаваат од министерството, според бугарските медиуми.

Извор: Слободен печат

ПОВРЗАНИ ВЕСТИ

Приведен крадец во Прилеп

На плоштадот „Методија Андонов Ченто” во Прилеп,…

,,До кога ќе ги снемува спортските брендови”?

Македонскиот ракометен првак и најтрофеен клуб Вардар…

Европски аналитичари: Бугарија се изживува со Македонија…

Битолчанецот Божидар Бижиновски накратко на неговиот Фејсбук…

Има надеж и за Македонија, Борел: ЕУ…

Шефот на  европската дипломатија,  Жозеп Борел, изјави…

Бугарија се наоружува: За неколку денови започнува…

За неколку дена ќе започне производството и…