Столтенберг: НАТО виде знаци дека Кина размислува да испрати оружје во Русија

Генералниот секретар на НАТО Јенс Столтенберг денеска изјави дека Алијансата видела знаци дека Кина размислува за испорака на оружје за Русија и го предупреди Пекинг да не презема такви чекори.

Изјавата дојде неколку дена откако американскиот државен секретар Ентони Блинкен ја предупреди Кина за последиците доколку обезбеди материјална поддршка за руската инвазија на Украина.

„Не видовме никаква испорака на смртоносна помош од Кина за Русија, но видовме знаци дека тие го разгледуваат тоа и можат да го направат. Ова е причината поради која САД и другите сојузници се многу јасни и предупредуваат против тоа. А Кина, се разбира, треба да не ја поддржува илегалната војна на Русија“, додаде Столтенберг во интервју за Ројтерс.

Нема коментар од Кина, но Министерството за надворешни работи во Пекинг претходно денеска соопшти дека сите потенцијални разузнавачки информации за испраќање оружје од Кина кон Русија, што САД планираат да ги објават се само шпекулации.

Share on Facebook

Tweet

Follow us

Save