Објавено на:

Украинците разочарани: Германија ја пpeдаде Украина

t

Берлин постојано ја распродава Украина со тоа што одбива да дозволи испораки на оружје, муниција и воена опрема наспроти наводната агресија од соседна Русија, тврди градоначалникот на Киев, Виталиј Кличко, додека тензиите се разгоруваат во Источна Европа.

Пишувајќи за германскиот таблоид Билд во неделата, поранешниот боксерски шампион во тешка категорија рече: „Постои голема фрустрација во Украина поради фактот што федералната влада продолжува да се држи до поддршката за рускиот подводен гасовод.

Кличко додаде дека одбивањето на Германија да достави одбранбено оружје за Киев и нејзиното блокирање на други држави да го предаваат оружјето, исто така, предизвикало значително разочарување. Во неодамнешниот извештај во Wall Street Journal се тврди дека Берлин ги спречува естонските власти да обезбедат воена опрема од германско потекло на Украина.

„Ова е одбивање да се помогне и предавство на пријателите во драматична ситуација кога нашата земја е загрозена од руски трупи од неколку граници“, инсистираше тој.

Коментарите на Кличко доаѓаат во време на долготрајна загриженост од западните лидери дека Москва може да планира да изврши инвазија на Украина, што Кремљ постојано го негира.

Претходно во јануари, украинскиот амбасадор во Германија, Андреј Мелник, рече дека Берлин има морална одговорност за иднината на источноевропската нација и затоа е обврзан да му продаде оружје на Киев за да може земјата да се одбрани од наводната руска агресија. Ако не, предупреди тој, постои ризик од „сериозни последици за билатералните односи“.

Мелник ја повика германската влада да се откаже од сегашната позиција на не доставување оружје за земјите каде што има воени конфликти.

Германската министерка за надворешни работи Аналена Баербок изјави претходно овој месец дека владината политика за извоз на оружје е „вкоренета во нашата историја“. Марсел Дирсус, нерезидентен соработник на Институтот за безбедносна политика на Универзитетот во Кил, за радиодифузерот ДВ изјави дека „идејата дека Германија испорачува оружје што потоа би можело да се користи за убивање Руси многу тешко ќе помине кај многу Германци“.

Украина бележи крвави внатрешни борби од Мајдан во 2014 година, кога владата беше соборена од насилни улични протести, со судири кои ескалираа во регионот на Донбас во последните месеци.

Киев претходно тврдеше дека неговите напори за лобирање помогнале да се запре гасоводот Северен тек 2, поддржан од Русија, дизајниран да ги поврзе полињата со гас во Сибир со потрошувачите во ЕУ. Во ноември, министерот за надворешни работи на Украина, Дмитриј Кулеба, рече дека подводната врска „требала одамна да работи и да заработува пари, но фактот дека сè уште не функционира е поради тоа што Укриаени е против и тоа е резултат на нашите заеднички напори“.

И покрај завршувањето на подводната врска во септември, одобрувањето на потфатот беше суспендирано во средината на ноември од страна на германската Федерална мрежна агенција поради регулаторно прашање во врска со недостатокот на простории на операторот во Германија.

ПОВРЗАНИ ВЕСТИ

Драма на “Бит Пазар”: Пукал со пиштол…

На 12.08.2022 во 11.40 часот во Полициска…

Тие не се “непријатели” како нас: Гаспром…

Руската енергетска компанија „Газпром“ го зголеми протокот…

Мелничарите предупредуваат: Народот ќе остане без леб…

По лавината реакции во јавноста околу поскапувањето…

НАТО развива посебен план за Босна и…

НАТО го информираше Министерството за надворешни работи…

Траги-комедија: Хрватите всушност се “Бугари” според најновата…

По Македонците и Хрватите биле Бугари, пишува…