ФБИ: Северна Кореја е одговорна за најголемиот грабеж на криптовалути

Хакери од Северна Кореја се одговорни за кражбата на криптовалути во вредност од 625.000.000 долари, што се случи на 23 март, се вели во најновото соопштение на ФБИ.
Американскиот сервис тврди дека групата „Лазар“, најпознатата севернокорејска хакерска банда, се обидува да ги „испере“ украдените криптовалути за режимот на Ким Џонг Ун, до кои дошла откако го хакирала блокчејн проектот „Ронин“.
„ФБИ продолжува да се бори против злонамерните сајбер активности, вклучително и заканата што ја претставуваат севернокорејските хакерски групи за приватниот сектор во САД. „Преку нашата истрага, успеавме да потврдиме дека групите „Лазар“ и „АПТ38“, поврзани со Северна Кореја, се одговорни за кражба на криптовалутата етереум вредна 620.000.000 долари“, посочува ФБИ.
Како што се наведува понатаму, режимот во Пјонгјанг се обидува да дојде до пари преку сајбер криминал и кражба на криптовалути.
Во грабежот на 23 март, хакерите успеаја да извлечат 173.600 етериуми и 25.500.000 стабилни коини, валута која е поврзана со вредноста на американскиот долар.
Групата „Лазар“ изминативе години беше осомничена за бројни сајбер кражби, чиј плен се проценува на повеќе од милијарда долари.
ПОВРЗАНИ ВЕСТИ
ФБИ нуди награда за информации поврзани со…
Федералното истражно биро на САД (ФБИ) понуди…
ФБИ отвора нови истраги: Протекување од Врховниот…
ФБИ ќе започне нови истраги за две…
Новиот шеф на ФБИ Пател до вработените:…
Новиот директор на ФБИ, Кеш Пател, им…
ФБИ објави нови документи за атентатот на…
Американското ФБИ откри околу 2.400 нови некласифицирани…
Прилепчанец останал без 3.000 евра, се излажал…
61-годишен прилепчанец бил измамен за сума од…