(Фото) Америка испраќа купишта оружје во Украина, објавени фотографии
![t](https://infomax.mk/wp-content/uploads/2022/02/amerikansko-oruzje-ukr-1.jpg)
Вчера доцна навечер, авион со големо количество оружје испратено од Америка слета на аеродромот во близина на Киев, главниот град на Украина.
Според фејсбук-страницата на американската амбасада во Киев, ова е 14. лет со кој Американците испраќаат воена помош за Украина. Во соопштението се наведува дека во најновата пратка има и противтенковски ракети „џавелин“.
„САД во јануари испратија околу 1.200 тони воена опрема со одобрение на претседателот Бајден. Тоа е опрема што ѝ е потребна на Украина за да се заштити од руската агресија“, се вели во соопштението на американската амбасада.
Објавени се и фотографии од опремата испратена во синоќешната пратка.
Русија испрати дополнителни трупи на границата со Украина и може да изврши инвазија во секој момент, вклучително и за време на Зимските олимписки игри, изјави денеска американскиот државен секретар, Ентони Блинкен.
Тој рече дека Вашингтон продолжува да го повлекува персоналот од својата амбасада во Украина и го повтори повикот на Стејт департментот до сите граѓани на САД во Украина веднаш да ја напуштат земјата.
„Едноставно кажано, сè уште гледаме многу загрижувачки знаци за руска ескалација, вклучително и повеќе војници кои пристигнуваат на украинската граница“, рече Блинкен на прес-конференција во австралискиот град Мелбурн.
„Како што веќе рековме, инвазијата може да започне во секој момент и да биде јасно, тоа го вклучува и времето на одржување на Олимписките игри“, додаде тој.
ПОВРЗАНИ ВЕСТИ
Македонец на докторски студии по физика во…
Кавадарчанецот Илија Николов, кој е на докторски…
„Илинденска“ Скопје via Москва: Директни пипци од…
Ќерката на вицепремиер во земја членка на…
Полска бара земјите од ЕУ да ја…
Полскиот министер за надворешни работи Радослав Сикорски…
Зеленски: Подготвуваме уште четири нови безбедносни договори
Украинскиот претседател Володимир Зеленски денеска објави дека…
Директорката на американската тајна служба: Неуспехот при…
Неуспехот да го обезбеди поранешниот американски претседател…