РУСКИ ДРОН УБИ СВЕШТЕНИК ВО УКРАИНСКИ МАНАСТИР – Уште четворица свештеници се ранети во нападот кај Дњепар

Руски FPV-дрон удрил во манастир во селото Червоњи Мајак во Херсонската област, при што загинал 71-годишен свештеник, а уште четворица свештеници биле ранети. Нападот се случил околу 15 часот во саботата.

„Во нападот со FPV-дрон загина 71-годишен свештеник“, соопшти шефот на Херсонската област, Олександр Прокудин.

Ранетите свештеници се на возраст од 31 до 53 години. Според првичните информации на регионалните власти, тие добиле повреди од експлозијата и шрапнели.

Червоњи Мајак се наоѓа покрај Дњепар, во Херсонската област. Украинските власти соопштија дека за нападот бил употребен FPV-дрон, летало управувано со слика што операторот ја следи во реално време.

Украинскиот претседател Володимир Зеленски го посочи нападот врз манастирот во контекст на пошироките руски воздушни напади врз Украина. Во последните денови се регистрирани напади и врз цивилни и инфраструктурни цели во повеќе украински региони.

Нападот врз манастирот доаѓа во ден кога и Москва и поширокиот Московски регион беа цел на масовен украински напад со беспилотни летала. Руските власти соопштија дека во Московскиот регион биле соборени или неутрализирани 249 дронови во 17 окрузи, а бил погоден и објект во Московската рафинерија.

Во нападите загинаа најмалку двајца.

Share on Facebook

Tweet

Follow us

Save