(Фото) Градоначалничката на Град Скопје не ја изненади снегот: Службите на терен, снегот се чисти

Сите булевари и улици под Град Скопје се чисти и проодни, од почетокот на врнежите на снег фрлени 300 тони сол. – Пишува во соопштението до медиумите од Град Скопје кое го пренесуваме интегрално:
„Екипите на зимската служба од ноќеска и утрово се на терен и ги чистат булеварите и улиците под надлежност на Градот, и тие се чисти и проодни. Од почетокот на врнежите на снег до сега се фрлени 300 тони индустриска сол.
Чистењето на сообраќајниците и тротоарите го вршат екипите на јавното претпријатие „Улици и патишта“, на располагање е и механизацијата на преостанатите јавни градски претпријатија. Покрај чистењето на сообраќајниците, активни се и тимовите и на преостанатите градски јавни претпријатија кои интервенираат со луѓе и со механизација во чистењето на јавните површини, расчистување на паднатите дрвја и на сливниците.
И во текот на денешниот ден продолжуваат активностите на зимската служба кои будно ја следат состојбата на градските сообраќајници и ќе интервенираат според потребите, согласно со условите на теренот.
Градот Скопје им препорачува на возачите да возат внимателно и да се придржуваат на условите на коловозите. Потсетуваме дека индустриската сол има ефект до – 7 степени Целзиусови и поради ниските температури можно е појавување на голомразица на коловозот и апелираме на голема внимателност во сообраќајот.
Потсетуваме дека во надлежност на Град Скопје се булеварите и поголемите градски улици, а преостанатите улици се во надлежност на општините и тие се задолжени за нивно чистење и одржување.
Апелираме до сите стопански субјекти во градот и до сите граѓани, кога ќе падне снег, да ги почитуваат законските обврски и да го расчистуваат снегот и мразот од пристапите до нивните деловни, односно станбени објекти.“ – Стои во соопштението од Град Скопје.
ПОВРЗАНИ ВЕСТИ
Уапсен скопјанец кај кого било пронајдено оружје
На 27.03.2023 околу 21.50 часот во населба…
Пожар во подземна гаража во Скопје, изгореа…
Два автомобила изгореле вчераутро во подземна гаража…
Вее без престан: Овие места во Македонија…
Се оствари прогнозата на метеоролозите. Вечерва снег…
ДИВ ЗАПАД: ДВЕ РАЗБОЈНИЧКИ КРАЖБИ СО ОГНЕНО…
Див Запад не ни е рамен, вечерва…
19-годишник силувал малолетно девојче од тетовско
Деветнаесетгодишно момче од селото Крушопек, Скопско е…