(Фото) Градоначалничката на Град Скопје не ја изненади снегот: Службите на терен, снегот се чисти

t

Сите булевари и улици под Град Скопје се чисти и проодни, од почетокот на врнежите на снег фрлени 300 тони сол. – Пишува во соопштението до медиумите од Град Скопје кое го пренесуваме интегрално:

„Екипите на зимската служба од ноќеска и утрово се на терен и ги чистат булеварите и улиците под надлежност на Градот, и тие се чисти и проодни. Од почетокот на врнежите на снег до сега се фрлени 300 тони индустриска сол.

Чистењето на сообраќајниците и тротоарите го вршат екипите на јавното претпријатие „Улици и патишта“, на располагање е и механизацијата на преостанатите јавни градски претпријатија. Покрај чистењето на сообраќајниците, активни се и тимовите и на преостанатите градски јавни претпријатија кои интервенираат со луѓе и со механизација во чистењето на јавните површини, расчистување на паднатите дрвја и на сливниците.

И во текот на денешниот ден продолжуваат активностите на зимската служба кои будно ја следат состојбата на градските сообраќајници и ќе интервенираат според потребите, согласно со условите на теренот.

Градот Скопје им препорачува на возачите да возат внимателно и да се придржуваат на условите на коловозите. Потсетуваме дека индустриската сол има ефект до – 7 степени Целзиусови и поради ниските температури можно е појавување на голомразица на коловозот и апелираме на голема внимателност во сообраќајот.

Потсетуваме дека во надлежност на Град Скопје се булеварите и поголемите градски улици, а преостанатите улици се во надлежност на општините и тие се задолжени за нивно чистење и одржување.

Апелираме до сите стопански субјекти во градот и до сите граѓани, кога ќе падне снег, да ги почитуваат законските обврски и да го расчистуваат снегот и мразот од пристапите до нивните деловни, односно станбени објекти.“ – Стои во соопштението од Град Скопје.

ПОВРЗАНИ ВЕСТИ

Прегазени две лица во Скопје

На 15.12.2023 околу 17.10 часот во СВР…

Зимска бајка: Македонија под дебела снежна покривка

Прекрасното Крушево вечерва со снежна покривка од…

Поради дефект овој дел од Скопје ќе…

Центарот за управување со кризи (ЦУК) известува,…

Девојка натепала повозрасна жена во Скопје

56-годишна жена завчера пријавила дека во центарот…

Прекинат сообраќајот на автопатот Скопје-Велес поради одрони

АМСМ известува дека автопатот Скопје-Велес од 17…