(Фото) СДСМ доживеа дебакл на протестот во Охрид: Граѓанските организации им порачаа „Гневот нема да ни го земете“
Најавата на СДСМ за протест во Охрид по насилството врз Сара предизвика остри реакции кај дел од граѓаните кои претходно започнале самостојно организирање. Истовремено, граѓанската иницијатива „Ниту една повеќе“ јавно се спротивстави на партиското вмешување во протестите против насилството врз жените, порачувајќи дека граѓанскиот револт не смее да се присвојува за политички цели.
„Ги осудуваме сите партиски упади и притисоци врз организацијата на било кој протест и израз на граѓанско незадоволство во периодов што следува“, наведуваат од иницијативата во објавата на Инстаграм.
Од „Ниту една повеќе“ нагласуваат дека обидите женското движење и бунтот да бидат инструментализирани од политички партии се недозволиви и претставуваат дел од проблемот. Нивната реакција се однесува на партиските вмешувања воопшто, без директно именување на СДСМ во пренесените цитати.
„Политички партии и нивните женски ограноци имаа и имаат моќ системски да го решаваат проблемот и треба соодветно да преземат одговорност за своето децениско непостапување“, порачуваат од иницијативата.
Објавата завршува со пораките „Улиците и протестите ни припаѓаат нам, граѓанските!“ и „Гневот нема да ни го земете“.
View this post on Instagram
Реакциите се надоврзуваат на несогласувањата околу организирањето протест за Сара. Според „Охрид1“, повикувајќи се на учесници, во Вибер-групата за граѓанскиот собир за само два часа се приклучиле повеќе од 1.700 луѓе. Дел од нив тврделе дека подоцна се вклучиле поединци кои настапувале во име на СДСМ и се обидувале да влијаат врз организацијата. Овие наводи предизвикале расправии и разочарување кај учесниците што барале иницијативата да го задржи непартискиот карактер.

Форумот на жени на СДСМ, пак, официјално најави сопствен протест за 17 ноември во 18 часот пред СВР Охрид. Во партискиот повик се наведува дека собирот е во знак на поддршка на Сара и на сите жени жртви на насилство, со барање за институционална одговорност.

Во меѓувреме, семејството на Сара побара откажување на граѓанскиот протест пред обвинителството. Во разговор за „Охрид1“, родителите се заблагодарија за поддршката, но порачаа дека по определувањето притвор за осомничениот им се потребни мир и време за закрепнување на нивната ќерка. Побараа личната трагедија да не се користи за дневнополитички пресметки.

Граѓанскиот протест пред обвинителството бил откажан по апелот на семејството. Партискиот собир пред СВР Охрид бил најавен на друга локација и со посебен организатор.

Од фотографијата која ја доставија до Инфомакс граѓани од Охрид се гледа дека опозицијата доживеа дебакл на првиот протест кој го организираше откако СДСМ ја предводи Венко Филипче.
ПОВРЗАНИ ВЕСТИ
(Фото) СДСМ доживеа дебакл на протестот во…
Најавата на СДСМ за протест во Охрид…
МВР: Од 15 ноември до 15 март…
Од 15 ноември почна законската обврска за…
Бајден за потегот што го загрижи Кремљ:…
Поранешниот американски претседател во книгата „Ветувај ми,…
Тежок удар врз Кримскиот мост: Аналитичар проценува…
Автомобилскиот дел од Кримскиот мост би можел…
Горивата поевтинија, дизелот се продава за 92…
Од денеска, 17 ноември, важат пониски максимални…