(Фото) Тешка сообраќајка во Кисела Вода: Автомобил удри во автобус, возачот тешко повреден

Возач е тешко повреден во сообраќајна несреќа која синоќа се случила на улицата „Христо Татарчев“ во Кисела Вода.

Случајот во МВР е пријавен во 23 часот.

-Се случила сообраќајна несреќа помеѓу патничко возило „Пежо“ со скопски регистарски ознаки, управувано од Н.М.(50) од Скопје и автобус „Ман“ со скопски регистарски ознаки, управуван од Д.Ј.(57) од Скопје. Во несреќата со тешки телесни повреди се здобил Н.М., констатирани во Комплекс клиники „Мајка Тереза“, велат од МВР.

Увид на местото извршила екипа од СВР Скопје.

Според пишувањата на дел од медиумите, неофицијално возачот на автомобилот бил во алкохолизирана состојба и преминал на спротивната лента од коловозот.

Share on Facebook

Tweet

Follow us

Save