ОАЕ бара итен крај на војната меѓу Иран и Израел, ако не, ќе има „тешки последици“

Висок функционер на Обединетите Арапски Емирати повикува на брз крај на војната меѓу Иран и Израел, предупредувајќи на „тешки последици“ ако конфликтот се продолжи.

Анвар Гаргаш, дипломатски советник на претседателот на ОАЕ, шеикот Мохамед бин Зајед Ал Нахјан, вели дека војната го „уназадува“ богатиот регион на Заливот. „Колку подолго трае војната, толку поопасна станува“, истакна тој на брифинг со новинари.

„Мислам дека секоја продолжена конфронтација или војна меѓу Израел и Иран ќе донесе само многу тешки последици.“ „Деескалацијата е исклучително важна“, вели Гаргаш. „Сè уште сметаме дека постои пат назад кон преговори за овие прашања.“ „Оваа војна е во спротивност со регионалниот поредок што земјите од Заливот сакаат да го изградат, кој е фокусиран на регионален просперитет“, вели Гаргаш. „Сметаме дека ова нè уназадува, не само нас во ОАЕ, туку би рекол и регионот.“

Share on Facebook

Tweet

Follow us

Save