Објавено на:

Цели држави во мрак: Казахстан, Киргистан и Узбекистан останаа без струја

t

Централноазиските држави Казахстан, Узбекистан и Киргистан се соочуваат со прекин во снабдувањето со електрична енергија во поголемите градови, соопштија властите.

Мрежите на трите поранешни советски републики се меѓусебно поврзани, а преку Казахстан се поврзани со руската електрична мрежа, која можат да ја користат при неочекуван недостиг на струја.


Но, далноводот север-југ во Казахстан, кој ги поврзува густо населениот јужен Казахстан и двете соседни земји со руската мрежа беше исклучен во утрово поради засега сè уште непознати причини.

Поголемиот дел од Бишкек, главниот град на Киргистан, остана без струја, како и повеќето други градови во земјата. Во Бишкек не работат семафорите, а поради исклучување на пумпите во градот нема ниту вода.

Повеќето други градови во Киргистан се без струја, а медиумите известуваат за прекин на електричната енергија во целиот регион на Централна Азија.

Прекини со снабдување со електрична енергија се пријавени и во најголемиот град во Казахстан, Алмати, и во неколку големи јужни градови во близина на границата со Узбекистан и Киргистан.

ПОВРЗАНИ ВЕСТИ

Грција се подготвува за исклучување на електричната…

Владата на Грција подготвува план за вонредни…

Утре без струја повеќе делови од Скопје

Од ЕВН Македонија АД известуваат дека на…

Следува нов ценовен шок во јуни: Ќе…

Владата ги прави последните анализи, кои мерки…

Македонија на месечно ниво троши најмалку струја…

Претседателот на РКЕ, Марко Бислимовски информира дека…

Џамии, цркви, студентски домови на листата најголеми…

17 семејства трошат 10% од вкупната потрошувачка…