Швајцарија ги прекинува програмите за развојна помош за Албанија
Швајцарската влада ги прекина програмите за развојна помош за Албанија, Бангладеш и Замбија, но средствата за поддршка на Украина ќе останат непроменети, пренесува Политика.
Таа одлука доаѓа откако парламентот во декември одвои помалку средства за странска помош отколку што бараше владата, се вели во соопштението на швајцарската влада, а пренесува Swiss info.
Забележано е дека Швајцарија, како и другите богати нации, се бори со намален буџет за странска помош, бидејќи војната во Украина принудува ресетирање на нејзините приоритети.
Парламентот го намали за 110 милиони швајцарски франци (околу 110 милиони евра) буџетот за меѓународна соработка за 2025 година и 321 милион швајцарски франци од финансискиот план за периодот од 2026 до 2028 година.
„Овој потег влијае на билатералната, економската и тематската соработка, како и на мултилатералните организации“, се вели во соопштението.
Швајцарската агенција за развој и соработка (SDC) ќе ги заврши билатералните развојни програми со Албанија, Бангладеш и Замбија до крајот на 2028 година.
„Од 2025 до 2028 година ќе следат широки кратења за државните и тематски програми и организации. Сепак, хуманитарната помош, градењето мир и помошта за Украина ќе останат непроменети“, се заклучува во соопштението.
ПОВРЗАНИ ВЕСТИ
Македонски државјани се повредени во сообраќајка во…
Двајца македонски државјани се здобиле со тешки…
МАЕИ бара поголема застапеност на македонското малцинство…
Од исклучителна важност е македонското малцинство, како…
Во Албанија е идентификуван првиот случај на…
Првиот случај на мајмунски сипаници е потврден…
Рама: Албанија доби „зелено светло“ за отворање…
Албанскиот премиер Еди Рама објави дека земјата…
Ѓоковиќ воодушевен од односот на албанските и…
Тенисерот Новак Ѓоковиќ се огласи за натпреварот…