Штpaјк на железничарите: Немаат земено плата

t

Од 7.00 часот утрово патничкиот и товарниот железнички сообраќај е во прекин, поради бојкот на машинскиот и извршниот персонал во „Железници – Транспорт“. Како што изјави за МИА Душко Чакаровски, претставник на машинскиот персонал, причина за бојкотот е неисплатениот втор дел од декемвриската плата.

Тој се повика на Одлуката од 2 ноември 2021 година, според која, машинскиот и извршниот персонал нема да ги извршува работите ако платата за претходниот месец не биде во целост исплатена до 25-ти во тековниот месец.


Се повикуваме на оваа Одлука и поради тоа не ги извршуваме работите. Веднаш ќе продолжиме со работа кога ќе ни се исплати вториот дел од декемвриската плата – нагласи Чакаровски.

Тони Димовски, пак, кој исто така е претставник на машинскиот персонал, кусо одговори дека се во тек „разговори и преговори околу барањето“.

Согласно Одлуката од ноември, машинскиот и извршниот персонал во Железници – Транспорт бара и исплата на материјалните трошоци до 10-ти во тековниот месец. Прекин на железничкиот патнички и товарен сообраќај имаше и на почетокот на август, како и во ноември 2021 година.

ПОВРЗАНИ ВЕСТИ

Кина со жесток одговор до Г7: Гледајте…

Кина одговори на барањето на Г7 Пекинг…

Владата денеска напладне ќе ја одржи редовната…

Владата денеска напладне ќе ја одржи редовната…

Украинските воени сили се заканиле на границата…

Гувернерот на Курската област Роман Старовојт изјави…

Израел може да загуби контрола над Палестина!…

Iзраелскиот министер за одбрана Бени Ганц изјави…

СПЦ не врати од 1967 во 1959…

Македонската православна црква денеска не добила автокефалност,…