INFOMAX.MK

Градоначалникот на Општина Кисела Вода, Орце Ѓорѓиевски, денеска информираше дека по повод Меѓународниот ден на жената поделил цвеќина на жените низ Кисела Вода.

Еве што напиша Ѓорѓиевски на Фејсбук:

Денот на жената, се потрудивме на нашите сограѓанки да им го разубавиме и да им го направиме поинаков.

Жените секогаш ќе имаат еднаков третман во општина Кисела Вода, но сметам дека на ваквите денови кои им се посветени ним во меѓународниот календар на случувања, убаво е да им посветиме малку повеќе внимание.

Со ПСОН-Кисела Вода, Одделението за превенција при СВР Скопје и РСБСП се одлучивме на ваква заедничка акција која се одвиваше низ улиците на нашата општина на која поделивме цвеќе и летоци за безбедно возење на учесничките во сообраќајот, бидејќи секогаш е добар момент да се потсети на безбедноста при возењето, а уште подобро е кога притоа со мало внимание ќе се одбележи празникот 8-ми Март.