АА: Ако владата сака одржлива здравствена реформа треба да следи децентрализиран пристап и да инвестира во сите региони, а не само во Скопје

Овој фрагментиран пристап во здравствениот систем е навистина проблематичен. Доколку болницата „8 Септември“ се претвори во регионален центар без изградба на Клиничката болница во Штип и без реновирање на клиничките болници во Битола и Тетово, тогаш ќе се создаде нестабилна ситуација, при што пациентите од различни региони ќе бидат насочени кон една болница која нема капацитет да се справи со дополнителниот товар, реагираат од Секторот за здравсво на Алијанса за Албанците.

– Зошто овој пристап е погрешен?

1. Дисбаланс во распределбата на здравствените услуги – Источниот и западниот регион ќе останат со слаба инфраструктура и ќе продолжат да зависат од Скопје. Ова го прави системот покревок и создава нееднаквост во пристапот до здравствена заштита.

2. Пренатрупаност во Скопје – Доколку граѓаните од цела Северна Македонија продолжат да патуваат за лекување во Скопје, тогаш и со новиот статус на „8 Септември“ како регионален центар, ќе дојде до колапс на здравствениот систем во главниот град.

3. Финансиски загуби и лошо управување – Наместо да се инвестира во рамномерна распределба на капацитетите, се создава концентрација која на долг рок ќе чини повеќе.

4. Краткорочно и нестратегиско решение – Изградбата на Клиничката болница во Штип и реновирањето на болниците во Битола и Тетово би биле чекори што ќе обезбедат поодржлив и поправеден здравствен систем.

Што треба да се направи?

• Барање за интегриран здравствен план – Не треба да се носи изолирана одлука за „8 Септември“, туку да се постави јасна стратегија за сите регионални клинички центри.

• Паралелна изградба на Клиничката болница во Штип – Оваа болница е неопходна за источниот регион и не треба да биде запоставена.

• Реновирање на болниците во Битола и Тетово – Без модернизација на овие болници, системот ќе остане неурамнотежен, а пациентите ќе продолжат да патуваат кон Скопје.

Ако владата навистина сака одржлива здравствена реформа, треба да следи децентрализиран пристап и да инвестира во сите региони, а не само во Скопје, стои во соопштението од Алијанса за Албанците.

Share on Facebook

Tweet

Follow us

Save