Австрија ќе им даде по 1000 евра помош на сите Сиријци кои ќе сакаат да се вратат во татковината

Австриското министерство за знатрешни работи, ќе им помогне на сите Сиријци кои ќе сакаат да се вратат во своите домови. Федералната агенција предлага да им се додели помош по 1000 евра на секој кој ќе сака да се врати во Сирија.

Покрај тоа, на луѓето кои ќе сакаат да ја напуштат Австрија, ќе им се нуди поддршка во организирањето на нивното патување во матичната земја доколку е потребно во набавка на потребните документи.

Исто така им се нуди постојано советување на оние кои сакаат да добијат повеќе информации и помош при нивното враќање, како и кампањи за дополнително охрабрување на луѓето да се вратат дома. Таквата кампања започна по падот на Башар ал Асад во Сирија.

Неодамна министерот за внатрешни работи Герхард Карнер најави дека ќе им понуди поддршка на луѓето кои сакаат да се вратат дома, па дури зборуваше и за организирање на летови. Следниот чекор ќе биде да се отстранат оние со криминално досие, оние кои не сакаат да се интегрираат или да работат.

Share on Facebook

Tweet

Follow us

Save