Активности за санација на сообраќајната опрема и сигнализација низ градските улици

Eкипите на ЈП „Улици и патишта“ – Скопје во текот на изминативе денови активно работат на санација на сообраќајната опрема и сигнализација на главните улици и булевари во градот.

Деновиве тие ги санираа оштетените заштитни столбчиња на улиците во Централното градско подрачје и поставија нови на улицата „Васил Ѓоргов“, „Френклин Рузвелт“ и ул. „11ти Октомври“.

-Санирани се заштитните огрaди на мостот клучка Дијамант во Автокоманда и заштитната ограда на булеварoт Метрополит Теодосиј Гологанов кај кружниот тек на Католичка црква и обновена е бојата на истите. Санирани се оштетените бехатон плочи на пешачките патеки на улица Френклин Рузвелт и асфалтирани се споевите со споредните улици. При редовната контрола и обиколка на сообраќајната сигнализација санирани се и обновени сообраќајните знаци и денилеаторите за одвојување на коловозот, како и рефлектирачките столбови за одвојување на велопатеките. Во тек се активностите за санација и на оштетениот плочник на улица Македонија и санација на бетонските жардињери на булеварот Партизански Одреди, велат од претпријатието.

Екипите и во наредниот период продолжуваат со тековните активности за санација на сообраќајната опрема и сигнализација на градските сообраќајници со цел одржување на безбедноста на учесниците во сообраќајот.

Share on Facebook

Tweet

Follow us

Save